मन्थली,२० जेठ । मन्थली नगरपालिका वडा नं –७ का वडा अध्यक्ष भुवनहरी प्रसाइले आफुले शिक्षा क्षेत्रको बिकासलाई पहिलो प्रथमिकतामा राखेको बताउनु भएको छ ।
शुक्रवार श्री कालिकादेवी आधारभूत बिद्यालय सल्लेनी भटौलीले आयोजना गरेको वडाका नव निर्बाचित जनप्रतिनिधिहरुलाई वधाइ तथा शुभकामना एबं छात्रबृत्ति वितरण कार्यक्रमका अबसरमा बताउनु भएको हो ।
उहाले भन्नुभयो– “म पनि २० बर्ष सम्म शिक्षण पेशा गर्दै यहा आइपुगेको हुँ ।
शिक्षाको बिकास बिना अरु बिकास असम्भव भएकोले पनि शिक्षालाई पहिलो प्रथमिकतामा राखेको छु । म गुणस्तरीय शिक्षा मा जोड दिन्छु । बिद्यार्थी शिक्षक अनुपात मिलेको छैन, दरबन्दी अनुसार शिक्षक छैनन् भने त्यसलाई मिलान गर्न प्रयत्नशिल रहनेछु । बिद्यालय,शिक्षक र अभिभावहरुका समस्या बुझेको छु । त्यसका लागि भर्खरै नगर कार्यपालिकाले गरेको आइतवार बिद्यालय सञ्चालन गर्ने र नगर भित्रका सबै बिद्यालयहरुमा कक्षा १ देखि ५ सम्म क्रमश गणित र बिज्ञान बिषयलाई अग्रेजी माध्यममा पढाउने निर्णयलाई कार्यान्वयन गर्नुपर्छ ।”
सो अबसरमा पत्रकार महासंघ वागमती प्रदेशका कोषाध्यक्ष रमेश ढुंगेलले वालवालिकाहरु काँचो माटो भएकोले उनीहरुलाई शिक्षकहरुले जस्तो बनाउन चाह्यो त्यस्तै बन्ने भन्दै शिक्षाको बिकास महत्वपुर्ण भएको बताउनुभयो । उहाले सञ्चारको क्षेत्रबाट शिक्षाको बिकासका लागि आफुले गर्नुपर्ने जुनसुकै सहयोग गर्न तयार रहेको बताउनुभयो ।
कार्यक्रमका अबसरमा वडा सदस्य खिरलाल तामाङले बिद्यालयमा आएको रकम पादर्शि ढंगले खर्च हुनुपर्ने र समयमै बिद्यार्थीको हात हातमा पुस्तक पुरयाउन शिक्षक र अभिभावकहरु लागिपर्नुपर्ने कुरालाई जोड दिनुभयो । उक्त कार्यक्रमको सञ्चालन भने सो बिद्यालयका शिक्षक गुणराज तामाङले गर्नु भएको थियो ।
शैक्षिक क्यालेन्डर अनुसार मन्थली नगरपालिका भित्रका सबै बिद्यालयहरुमा आज (शुक्रवारनै) छात्रबृत्ति बितरण गरिएको थियो ।
यो बारेमा तपाईको प्रतिकृया