नेपाल भ्रमण बर्ष २०२० को शुभारम्भमा रामेछापमा बिबिधि कार्यक्रमको आयोजना गरिएको छ । जिल्लाको सदरमुकाम समेत रहेको मन्थलीमा मन्थली नगरापालिकाद्धारा आयोजित कार्यक्रममा प्रभात फेरी, झाँकी प्रदर्शन र प्रबचनको आयोजना गरिएको छ । मन्थली माध्यामिक बिद्यालयबाट सुरु भएको बिभिन्न झाँकी सहितको र्यालीले देकोटाचोकबाट जिल्ला प्रहरी कार्यालय परिसर हुँदै बसपार्क पुगेर देबकोटा चोकमा आएर कोण सभामा परिणत भएको थियो ।
मन्थली नगर प्रमुख रमेश कुमार बस्नेतको अध्यक्षतामा सम्पन्न उक्त कार्यक्रमका अबसरमा पञ्चेबाजा, तमाङ, मगर, नेवारी र माझी समुदायको झाँकी, खैजेडि भजन, बलन भजन लगाएतको झाकी प्रदर्शन गरिएको थियो । जिल्लामा पर्यटककहरु भित्र्याउने उद्देश्यका साथ पर्यटकलाई आकर्षण गर्न यस्ता किसिमका कला र सस्कृतिहरु पनि जिल्लामा छन् भन्ने सन्देश दिने उद्देश्यले यस्तो कार्याक्रमको आयोजना गरिएको जिल्ला समन्वय समितिका प्रमुख प्रेम बहादुर खड्काले बतउनु भयो ।
कार्याक्रममा बोल्दै सबिधानसभा सदस्य तारानारायण श्रेष्ठले रामेछाप जिल्ला बहुभाषिक र बहु सास्कृतिक जिल्लाका साथै पर्याप्त पर्यटकिय स्थानहरु रहेको जिल्ला भएकोले यसको उतिच प्रचार प्रसार गरी स्वदेसी तथा बिदेशी पर्यटकहरु भित्र्याउन लाग्नु पर्ने बताउनुभयो । मन्थली नगरपालिकाका प्रमुख रमेश कुमार बस्नेतले मन्थली नगरपालिकामा बहु सास्कृतिक पर्यटकीय स्थल र धार्मिक स्थलहरु भएको हुँदा त्यसलाई ब्यवस्थित गरी पर्यटन बर्ष सफल पार्न आफु सधै लागि पर्ने बताउनुभयो । जिल्लाका अन्य पालिकाहरुमा पनि भ्रमण बर्षको शुभारम्भको अबसर पारेर बिबिध कार्यक्रमको आयोजना गरि पर्यटन वर्षको सुरुवात गरिएको छ ।
यो बारेमा तपाईको प्रतिकृया