जुनारको उत्पादनमा बढेको गुणस्तिरियता संग उत्पादित बस्तुले स्थानिय स्तरमा बजार पाउन थालेपछि रामेछापका जुनार कृषकहरु उत्साहित भएका छन् । केहि बर्ष अघि सम्म जुनार बगैचामा लागेको औंसाका कारण ब्यवसाय बाट निरासा बनेका जुनार कृषकहरु उक्त रोगको निराकरण पछिको उत्पादन वृद्धि र गुणस्तरियतामा समेत सुधार आएसँगै राम्रो आम्दानी हुन थालेपछि उत्साहित बनेका हुन ।
सम्भावित जुनार र सुन्तला जातको उत्पादनलाई स्थानिय कृषकहरुले ब्यवसाय संग जोडेर राम्रो आम्दानी गर्न सक्ने सम्भाबनालाई मध्य नजर राखी नेपाल सरकारले प्रधानमन्त्री कृषि आधुनिकिकरण परियोजना मार्फत जिल्लाको जुनार जोनको शिर्षकमा परियोजनानै संचालन गर्दे आएको छ । परियोजनाले ब्यवसायिक जुनारको सम्बद्र्धन र प्रर्बद्धनको क्षेत्रमा काम गर्न थालेपछि हौसिएका जुनार कृषकहरुको उत्पादनमा समेत बृद्धि भए पछि उनिहरुको आय आर्जनमा समेत बृद्धि भएको छ ।
परियोजना संगै स्थानिय सरकारले पनि केहि मात्रमा गरेको सहयोगले उत्पादनमा बृद्धि हुनुका साथै जुनारको गुणस्तरमा पनि सुधार भएको किसानहरुको भनाई रहेको छ । उत्पादनमा भएको बृद्धि र गुणस्तरियतामा आएको सुधार संगै जुनार खरिदका लागि बाहिरका मानिसहरु त्यस ठाउँमा पुग्ने गरेको रामेछाप ६ ओखे्रनीका अगुवा कृषक शेर बहादुर तामाङ्ग बताउनुहुन्छ ।
जुनार उत्पादनको क्षेत्रमा जिल्लामा अब्बल मानिएको रामेछाप नगरपालीका ओख्रेनीको गाईटार,पुरानागाउँ,शुकाजोर,भालुखोप लगायतका क्षेत्रमा गरिदै आएको ब्यवसायीक जुनार खेतिले बजार पाउन थालेको भएपनि यसले आफनो छुट्टै पहिचान बनाउन नसकेकोमा भने कृषकहरु दुखित छन ्। यसको लागि उनिहरुले सरकारी सहयोगकै भुमिका कमि रहेको आरोप लगाउने गरेका छन् ।
रामेछाप जिल्लाको जुनार सिन्धुलीको भनेर बिक्री भइरहेको भन्दै जुनार किसानले गुनासो गरेका छन् । आख्रेनीका जुनार किसानले रामेछापको जुनारलाइ सिन्धुलीको बजारमा सिन्धुलीको जुनार भनेर बिक्री गरिरहेकोले पनि आफुहरुलाई समस्या परेको उनिहरुको आरोप रहेको छ ।
रामेछाप नगरपालिका ६ आख्रेनीको गाइटारमा लामो समयदेखी जुनार खेति गर्दै आएका किसान धन बहादुर तामाङले गाइटारमा फलेको जुनार सिन्धुलीको विभिन्न बजार केन्द्रमा सिन्धुलीको जुनार भनेर बिक्री गरेको आरोप लगाउनु भयो । रामेछापमा उत्पादन भएका जुनारको मूख्य बजार नै काठमाडौ सिन्धुलीको खुर्कौट लगाएतका विभिन्न बजार केन्द्रहरु भएको अर्का जुनार किसान हिमाल तामाङ्गले बताउनु भयो ।
उहाँका अनुसार रामेछापको जुनार भनेर चिनाउन नसकेकै कारण व्यापारीले रामेछापको जुनारलाइ सहजै सिन्धुलीको भनेर विक्री गरेको बताए । त्यसैगरि रामेछापको जुनार भनेर प्रचार नभएका कारण पनि उत्पादन रामेछापको प्रचार सिन्धुली भएको किसान तामाङले गुनासो गर्नु भयो ।
अहिले जुनार र सुन्तलालाईनै मुख्य ब्यवसाय बनाएर काम गर्ने हरुको संख्या ओख्रेनीमा निकै बढेको छ । फलबाट राम्रो आम्दानी हुने र नेपाल सरकारले पनि ब्यवसायीक रुपमा काम गर्दे आएका हरुको हकमा विभिन्न शिर्षकमा अनुदान दिन थालेपछि कृषकहरुको संख्यामा समेत एकाएक बृद्धि भएको अनुभब पनि कृषक हिमाल तामाङ्गको रहेको छ ।
प्रधानमन्त्रि कृषी आधुनिकिकरण परियोजना इकाई रामेछाप प्रमुख थिरलाल गैरेले त्यसका लागि परियोजनाले गर्दे आएको कामको सरहना पनि गर्नु भयो । उहाँले भन्नु भयो परियोजनाले गुणस्तरिय जुनारको बर्गिकरण गर्नु जरुरी भएकोले प्याकेजिङ र प्रचारका लागि सबै पक्षको सहयोग आबश्यक पर्ने गैरेको भनाई रहेको छ । त्यस्तै जुनारलाइ बेमौसौममा पनि बिक्री गरेर प्रयाप्त आम्दानीका लागि मिनि चिस्यान केन्द्र समेत संचालनमा आईसकेको छ ।
जुनारको गुणस्तरीयता बृद्धि संगै रामेछापको जुनार विश्व बजारमा लान सकिने अबस्थामा पुगेको पनि गैरेले जानकारी दिनु भयो । तर कृषकहरुले रामेछापको जुनार भनेर चिनाउन र गुणस्तर मापन गरेर प्याकेजिङ गर्न नसक्दा भने बजारमा यसले गलत प्रचार पाएको पनि उहाँको भनाई रहेको छ ।
रामेछाप ६ आख्रेनीमा ४० –५० घरधुरी भन्दा बढी किसानले जुनारखेतीबाट नै जिविकोपार्जन गर्ने गरेका छन् । त्यहाका किसानले जुनार बिक्री गरेरै ५० हजार देखि १५ लाख सम्म आम्दानी गर्ने गरेकाछन । गुणस्तरीय जुनार सिजनका समयमा प्रति केजी ४५ देखी ८५ रुपैया सम्म विक्री हुने भएको र वाँकी जुनारको हकमा भने यातायातको साधनले बजार सम्म लैजाने गरेको छ । जसका कारण ओख्रेनीका अधिकांश किसानले जुनार खेतिबाट नै आफनो जिविकोपार्जन गदै आएका छन् ।
यो बारेमा तपाईको प्रतिकृया