रामेछाप, २ चैत । नेपाल पत्रकाकार महासंघ बागाती प्रदेशको तेस्रो पूर्ण बैठक रामेछाप घोषण पत्र २०७८ जारी गर्दै समापन भएको छ । मंगलबार र बुधवार २ दिन चलेको उक्त बैठकले ७ बुँदे घोषणा पत्र जारी गरको हो ।
घोषणापत्रमा सरकारले सूचना तथा प्रशारण कानुन मार्फत प्रेस स्वतन्त्रतालाई संकुचन गर्ने प्रयास गरेको र प्रेस स्वतन्त्रता, श्रमजीवी पत्रकारहरुको हकहित, क्षमता अभिवृद्धि तथा पेशागत सुरक्षाको आबश्यक प्रबद्र्न गर्दै प्रेस स्वतन्त्रता विरोधी गतिविधि अन्त्य गर्न यो बैठक सम्बन्धीत पक्षको ध्यानाकर्षण गराउँने कुरा उल्लेख गरिएको छ । त्यसैगरी श्रमजीवी पत्रकारहरुको पेशागत सुरक्षाको वातावरण सिर्जना गर्न पनि यो सम्बन्धीत पक्षसँग यो बैठकले माग गरेको कुरा गरेको गरिएको छ भनेकोभिडका कारण आर्थिक संकटमा परेर बन्द हुने अबस्थामा पुगेका स्वरोजगामूलक सञ्चारमाध्यमलाई राहत हुने खालको आर्थिक प्याकेजको व्यवस्था गर्न पनि वैठकले सरकारसँग माग गरेको छ ।
त्यस्तै नेपाल पत्रकार महासंघ बागमती प्रदेश समितिले आफ्नो भवन बनाउने अभियान सुरु गरेको र यसका लागि जग्गा प्राप्ति र भवन निर्माणका लागि आबश्यक सहयोग पु¥याउन प्रदेश सरकार र हेटौंडा महानगरपालिकालाई आग्रह गर्ने निर्णय गरेको छ ।
त्यस्तै गरी स्थानीय सञ्चारमाध्यम प्रवद्र्धनका लागि स्थानीय तहमा उत्पादन हुने बिज्ञापन स्थानीय सञ्चारमाध्यममा नै प्रकाशन प्रशारण गर्नुपर्ने व्यवस्था गर्न यो बैठकले सरकारसँग माग गरेको छ भने नेपाल पत्रकार महासंघको विधानमा उल्लेख भएको मापदण्ड अनुसारको सदस्यहरुको संस्था बनाउनका लागि सदस्यता शुद्धिकरण अभियान सञ्चालन गर्ने भएकाले यो अभियानमा सहयोग गर्न बैठक सबै जिल्ला शाखाहरुलाई आग्रह गरेको छ ।
ऐतिहासिक र पर्यटकीय सम्भावना बोकेको रामेछाप नगरपालिकासहित सिंगो जिलाको पर्यटन प्रवद्र्धनका लागि आवश्यक गुरु योजना निर्माण गरी पर्यटकीय क्षेत्रको रुपमा विकास गर्न बैठकले प्रदेश र संघीय सरकारसँग माग गरेको छ ।
बैठकले बिभिन्न बिभागि समति तथा उपसमितिहरु गठन गर्नुका साथै प्रदेश मार्फत स्मारीका प्रकाशन गर्ने लगाएतका बिभिन्न निर्णयहरु गरेको छ ।
मंगलवार बैठकको उद्घाटन सत्रका क्रमामा बोल्दै पत्रकार महासंघ का केन्द्रीय अध्यक्ष बिपुल पोखरेलले सरकारले प्रेस स्वतन्त्रतालाई संकुचन गर्न लागिरहेको भन्दै महासंघ अभिब्यक्ति स्वतन्त्रताई हनन हुन नदिन जस्तोसुकै कदम चाल्न पछि नपर्ने बताउनु भयो । उहाले सूचना तथा प्रसारण कानुन मार्फत प्रेस स्वतन्त्रतालाई संकुचन गर्ने प्रयास भैरहेकोले यो कुनै हातलका मान्य नहुने बताउनु भयो ।
महासंघ वागमती प्रदेशका अध्यक्ष शिव देवकोटाको अध्यक्षतामा सम्पन्न उक्त कार्यक्रमका अबसरमा बोल्दै केन्द्रीय सदस्य रमेश खतिवडाले पत्रकारहरु बिभिन्न समस्यामा रहेकाले उनीहरुको समस्या समाधानका लागि साझा धारणा बनाएर अघि बढ्नु पर्ने बताउनुभयो ।
यो बारेमा तपाईको प्रतिकृया